Vüqar Ələkbərov Heydər oğlu 20.03.1985-ci ildə Naxçıvan şəhərində anadan olmuşdur. 1991-ci ildə Naxçıvan şəhər Hüseyn Cavid adına 5№-li orta məktəbin I sinfinə daxil olmuş, 2002-ci ildə həmin orta məktəbi bitirmişdir. 2002-ci ildə Naxçıvan Özəl Universitetinin (NÖU) indiki adıyla “Naxçıvan” Universitetinin (NU) Filologiya istiqaməti üzrə Xarici dil və Ədəbiyyatı (İngilis) ixtisasına daxil olmuş, 2006-cı ildə həmin universiteti bitirmişdir. Universitetdə təhsil aldığı müddətdə 2005-2006-cı illərdə Naxçıvan Komputer Təlim-Tədris və İnternet Mərkəzində komputer kursu keçib, diplom almışdır.  2007-2013-cü illərdə Babək rayonunda ingilis dil müəllimi işləmişdir. 2013-cü ildən “Naxçıvan” Universitetində (NU) Rektor Köməkçisi vəzifəsində çalışır. Universitetdə çalışdığı müddətdə 2013-cü ildə Kuzey Kıbrıs Türk Cumhuriyetinin (KKTC) Qazimağusa şəhərində  yerləşən Doğu Akdeniz Üniversitesinde (DAÜ) (University Curriculum Development İnternational Accreditations 2013)  kurs keçib, sertifikat almışdır. Yeni Azərbaycan Partiyasının (YAP) üzvüdür.