“Naxçıvan” Universiteti, Nazirlər Kabinetinin qeydiyyatından keçmiş, Azərbaycan Respublikası Ədliyyə Nazirliyinin lisenziyasını almış və bütün dövlət universitetləri kimi tələbə qəbulu üzrə ümumi qaydalara əsasən fəaliyyət göstərir.
“Naxçıvan” Universitetinə qəbul üçün əcnəbi tələbələrin https://portal.edu.az/ keçidinə daxil olaraq online müraciət etməlidir. Əcnəbi tələbələrin müraciəti üçün lazım olan sənədlər:
- Rektorun adına ərizə (elekron ərizə eyni qüvvəyə malikdir )
- Attestat/diplom və qiymət cədvəli/transkript (yüklənilir)
- Pasportun əsli (yüklənilir)
- Sağlamlıq haqqında arayış
- 3x4 ölçüsündə fotoşəkil (son 6 ayda çəkilmiş)
- Referans məktubu
- Dil sertifikatı (varsa)
- Digər sertifikatlar və ya təltifnamələr
Bütün sənədlər Azərbaycan dilinə tərcümə edilməli və rəsmi təsdiq edilməlidir.
- Magistratura və Doktorantura namizədləri üçün CV
- Magistratura və Doktorantura namizədləri üçün niyyət məktubu
Təqdim edilməsi vacib olan sənədlər
Xarici vətəndaşlar üçün:
Əcnəbilər və vətəndaşlığı olmayan şəxslər, qüvvədə olan qanunvericilikdə və dövlətlərarası razılaşmalarda digər hallar nəzərdə tutulmayıbsa, magistraturaya yalnız ödənişli əsaslarla həyata keçirilən ixtisaslaşmalara qəbul oluna bilərlər.
Əcnəbilər və vətəndaşlığı olmayan şəxslər “Naxçıvan” Universitetində təhsil alacağı dil ilə bağlı imtahan verirlər. “Naxçıvan” Universitetinə qəbul olan tələbə, təhsil alaçağı dil ilə bağlı müvafiq sertifikat təqdim etdikdə imtahandan azad olunur.
Əvvəlki təhsil pilləsində Azərbaycan dilində təhsil almış əcnəbilər və vətəndaşlığı olmayan şəxslər, “Naxçıvan” Universitetində dil imtahanı vermədən Azərbaycan dilində təhsilllərini davam etdirə bilərlər. Əgər dil sertifikatı yoxdursa tələbə 1 il və ya 6 ay təhsil alacağı dildən hazırlıq keçir.
Əcnəbilərin və vətəndaşlığı olmayan şəxslərin doktoranturada və dissertantlıq yolu ilə təhsil almaq hüququ
1. Əcnəbilərin və vətəndaşlığı olmayan şəxslərin doktoranturada və dissertantlıq yolu ilə təhsili Azərbaycan Respublikasının tərəfdar çıxdığı beynəlxalq müqavilələrə uyğun olaraq hüquqi və fiziki şəxslərin birbaşa bağladıqları müqavilələr əsasında həyata keçirilir.
2. Əcnəbilərin və vətəndaşlığı olmayan şəxslərin doktoranturada və dissertantlıq yolu ilə təhsili ödənişli əsaslarla aparılır. İllik təhsil haqqı təhsilin xüsusiyyətlərinə uyğun olaraq ali təhsil müəssisələrinin və elmi təşkilatların tabe olduqları qurumlar tərəfindən müəyyən edilir. Müstəsna hallarda ali təhsil müəssisələri və elmi təşkilatlar tabe olduqları qurumların razılığı əsasında ödənişsiz qəbul həyata keçirə bilərlər.
3. Xarici dövlətlərdə təhsil almış əcnəbilər və vətəndaşlığı olmayan şəxslər üçün ali təhsil haqqında diplomun notarial qaydada təsdiq edilmiş surəti və diplomun tanınması haqqında şəhadətnamə təqdim edilməlidir.
4. Əcnəbilər və vətəndaşlığı olmayan şəxslər fəlsəfə doktoru üzrə doktoranturada və dissertantlıq yolu ilə təhsil müddətində «Azərbaycan dili» fənnindən əlavə doktorluq imtahanı verirlər.
5. Əcnəbilərin və vətəndaşlığı olmayan şəxslərin ali təhsil müəssisələrində və elmi təşkilatlarda doktoranturaya qəbulu və dissertant təhkim olunması, eyni zamanda təhsili bu Qaydalara və qüvvədə olan qanunvericiliyə uyğun olaraq həyata keçirilir.
Əcnəbilər və vətəndaşlığı olmayan şəxslər daha ətraflı məlumatı “Naxçıvan” Universitetinin Beynəlxalq Əlaqələr Şöbəsindən əldə edə bilərlər.
İkili və Azərbaycan vətəndaşlığı olan əcnəbilərin sənədləri qəbul olunmayacaqdır.
Tarixlər:
1.Müraciət - 20 avqusta qədər
2.Sənədlərin yoxlanılması - 20-30 avqust
3.Müsabiqə nəticələrinin elanı - 01 sentyabr
4.Qeydiyyat - 01-13 sentyabra
İllik ödəniş:
Bakalavr-1200-1500 dollar
Magistr-1200 dollar
Doktorantura - 1500 dollar
Hazırlıq - 800 dollar
Əlaqə:
Bu e-Posta adresi istenmeyen posta engelleyicileri tarafından korunuyor. Görüntülemek için JavaScript etkinleştirilmelidir.
