Hacıyeva Nuray Cavid qızı 1992-ci ilin iyun ayında Naxçıvan MR Culfa rayon Milax kəndində anadan olmuşdur. 1999-cu ildə Milax kənd orta məktəbinin I sinifinə daxil olmuş, 2010-cu ildə həmin məktəbi bitirmişdir. Həmin il Naxçıvan Dövlət Universitetinin Humanitar fakültəsinə daxil olmuş, 2014-cü ildə tarix ixtisasını fərqlənmə ilə bitirmişdir. 2015-2017-ci illərdə Naxçıvan Dövlət Universitetində Azərbaycanın yeni və ən yeni tarixi ixtisası üzrə magistratura şöbəsində təhsil almışdır. 2014-2018-ci illərdə Naxçıvan MR Heydər Əliyev adına Hərbi Liseydə müəllim kimi, 2019-cu ildə bir müddət Naxçıvan Muxtar Respublikası Gənclər və İdman Nazirliyində mətbuat və ictimaiətlə əlaqələr üzrə baş məsləhətçi kimi fəaliyyət göstərmişdir. 2019-cu ilin sentyabrından Naxçıvan Universitetində “Ümumi tarix” kafedrasında müəllim vəzifəsində çalışır.