"Naxçıvan" Universiteti İqtisadiyyat fakültəsinin "Gənc turizmçilər" dərnəyi öz fəaliyyətini davam etdirir. Belə ki, "Gənc turizmçilər" dərnəyinin üzvləri muxtar respublikanın tarixi abidələri ilə tanışlıq çərçivəsində Əlincə Qalası və "Naxçıvanqala" Tarix-Memarlıq Muzey Kompleksində olublar. İqtisadiyyat fakültəsinin dekanı , dos. Ceyhun Mahmudov və dərnəyin rəhbəri, dos. Mehman Şabanov dərnək üzvlərinə tarixi abidələr haqqında geniş məlumat verib və onlara bu məlumatları turistlərə təqdim etmə qaydalarını öyrədib.