Yasin Babazadə

Yasin İsrafil oğlu Babazadə 1990-cı il 10 dekabr tarixdə Şərur rayon Aşağı Yaycı kəndində anadan olmuş ibtidai təhsilini N.Tusi adına A. Yaycı tam orta məktəbində almışdır.

2009-2013-cü illərdə Naxçıvan Özəl Universitetinin bakalavriat səviyyəsi üzrə Xarici (ingilis) dili müəllimliyi ixtisasını bitirmişdir.

 2014-2016-cı illərdə Naxçıvan Dövlət Universitetinin magistratura səviyyəsinin İngilis dili üzrə (dilşünaslıq) ixtisasını bitirmişdir. 2016-2017-ci tədris ilindən isə Naxçıvan Dövlət Universitetinin dissertantıdır.  

Naxçıvan Özəl Universitetində fəaliyyət göstərən “Rəsmi Sənədlərin Tərcüməsi” ingilis dili kursunu müvəffəqiyyətlə bitirmiş və ona Dövlət Notariusu tərəfindən təsdiqi nəzərdə tutulan sənədlərin tərcüməsini etmək səlahiyyəti verilib.

Şimali Kipr Türk Cümhuriyyətində, Akdəniz Universitetində fəaliyyət göstərən dil və kompyuter hazırlığından ixtisasartırma kurslarının iştirakçısı olmuşdur. Eyni zamanda İtaliya və Polşa Respublikalarında  keçirilən müxtəlif treninqlərin iştirakçısıdır.

Yasin İsrafil oğlu Babazadə 2013-cü ildən Naxçıvan Özəl Universitetində fəaliyyət göstərən İKT şöbəsində WEB Designer, 2014-cü ildən isə Xarici dillər fakültəsinin tyutoru, 2015-ci ildən Xarici Dillər fakültəsinin dekan müavini və xarici dillər kafedrasının müəllimi vəzifəsində, 2017-ci ildən isə  “Naxçıvan” Universitetinin Xarici dillər fakültəsinin dekanı və xarici dillər kafedrasının müəllimi vəzifəsində çalışır.

O bir sıra dərs proqramlarının, elmi məqalələrin və “Your level of translation” adlı metodik vəsaitin müəllifidir.

                              

e-mail: Bu email ünvanı spambotlardan qorunur. Onu görmək üçün JavaScripti qoşmaq lazımdır.