Xaricdə təhsil almaq istəyənlərin nəzərinə

Beykent Universiteti ilə “Naxçıvan” Universiteti arasında mübadilə proqramı əsasında “Naxçıvan” Universitetinin tələbə və müəllim heyəti bir və ya iki semestr müddətinə Beykent Universitetində təhsil almaq və çalışmaq imkanı əldə edə bilər.Maraqlanan şəxslər Beynəlxalq Əlaqələr şöbəsinə müraciət edə bilərlər.

TARİXİ İPƏK YOLU VƏ NAXÇIVANIN İQTİSADİ-MƏDƏNİ ƏLAQƏLƏRİNİN İNKİŞAFI MƏSƏLƏLƏRİ MÖVZUSUNDA BEYNƏLXALQ İPƏK YOLU KONFRANSI

kONFRANS TEZİSLƏRİNİ ENDİR

"Naxçıvan" Universitetinin tələbələri “Büdcə təşkilatlarında praktiki mühasibatlıq” mövzusunda keçirilən təlimdə iştirak ediblər

   "Naxçıvan" Universiteti İdarəetmə fakültəsinin Maliyyə və Mühasibat uçotu və audit ixtisaslarının tələbələri Naxçıvan Muxtar Respublikası Maliyyə Nazirliyi yanında Maliyyə Tədris Mərkəzi tərəfindən tələbələr üçün təşkil olunmuş “Büdcə təşkilatlarında praktiki mühasibatlıq” mövzusunda təlimdə iştirak ediblər.

21 may 2019-cu il tarixdə start götürən təlim Naxçıvan Dövlət Universitetinin və "Naxçıvan" Universitetinin tələbələrini əhatə edib. Təlim dörd gün, 12 tədris saatı müddətində keçirilib və müvafiq ixtisaslardan 18 tələbə cəlb edilib. Təlimin əsas məqsədi Milli Mühasibat Uçotu Standartlarına əsasən maliyyə-mühasibat işinin aparılması, vergi uçotunun təşkili, maliyyə hesabatlarının hazırlanması, mühasibat uçotu işinin aparılması ilə əlaqədar hüquqi məsuliyyət, xəzinə əməliyyatlarının təşkili və uçotu işlərinin qanunvericiliyin tələblərinə uyğun qurulması, təkmilləşdirilməsi sahəsində tələbələrin praktiki biliklərinin artırılmasıdır. Təlimlər zamanı məsələ və testlərin həllinə yer ayrılıb, eyni zamanda iştirakçılara gündəlik işlərində faydalı ola biləcək seçilmiş normativ-hüquqi aktlar toplusu, sənəd formaları və misallar ilə tərtib edilmiş metodik materiallar təqdim olunub. Qeyd edək ki, təlimin yekununda qiymətləndirilmə mərhələsi keçirilib və yüksək nəticə göstərən tələbə-dinləyicilərə Maliyyə Tədris Mərkəzinin sertifikatları təqdim edilib.