Xaricdə təhsil almaq istəyənlərin nəzərinə

Beykent Universiteti ilə “Naxçıvan” Universiteti arasında mübadilə proqramı əsasında “Naxçıvan” Universitetinin tələbə və müəllim heyəti bir və ya iki semestr müddətinə Beykent Universitetində təhsil almaq və çalışmaq imkanı əldə edə bilər.Maraqlanan şəxslər Beynəlxalq Əlaqələr şöbəsinə müraciət edə bilərlər.

TARİXİ İPƏK YOLU VƏ NAXÇIVANIN İQTİSADİ-MƏDƏNİ ƏLAQƏLƏRİNİN İNKİŞAFI MƏSƏLƏLƏRİ MÖVZUSUNDA BEYNƏLXALQ İPƏK YOLU KONFRANSI

kONFRANS TEZİSLƏRİNİ ENDİR

“Naxçıvan” Universiteti İstanbul Universiteti ilə əməkdaşlığı genişləndirir

   Dünyanın 51 ali təhsil müəssisəsi ilə əməkdaşlıq edən və təhsil səviyyəsinin yüksəkliyi ilə seçilən “Naxçıvan” Universiteti Türkiyənin İstanbul Universiteti ilə əməkdaşlığı yeni tədris ilində daha da genişləndirir.
   Bu məqsədlə 19 avqust 2020-ci il tarixdə Naxçıvan Muxtar Respublikası Ali Məclisinin deputatı, “Naxçıvan” Universitetinin Tədris və tərbiyə işləri üzrə prorektoru, iqtisad üzrə fəlsəfə doktoru Hüseyn Bağırsoylu İstanbul Universitetində olmuşdur. Prorektor ali təhsil ocağının bir sıra rəhbər şəxsləri ilə görüşmüşdür.
   Görüşlər zamanı İstanbul Universitetinin İqtisad fakültəsi ilə “Naxçıvan” Universitetinin İqtisadiyyat fakültəsi arasında əməkdaşlığın genişləndirilməsi əsas diqqət mərkəzində olub. İstanbul Universitetinin İqtisad fakültəsinin dekanı, professor Sayım Yorğun ilə görüşdə İqtisadiyyat ixtisası üzrə ali təhsil ocaqlarında olan müəllimlərin qarşılıqlı mübadiləsi ilə bağlı protokollar imzalanmış, universitetlər arasında ikili diplomun təşkili, ”Naxçıvan” Universitetində yeni yaradılmış “Kompüter mühəndisliyi” ixtisasının günün tələblərinə uyğunlaşdırılması məqsədi ilə bağlı təcrübə mübadiləsi, İqtisadiyyat ixtisasının ingilis dilində akreditə edilmiş tədrisi ilə bağlı fikir mübadiləsi aparılmışdır. Bundan başqa İstanbul Universiteti ilə “Naxçıvan” Universiteti arasında 2020-2021-ci tədris ilində 7 ixtisas üzrə tələbə təcrübə mübadiləsinin aparılması ilə bağlı razılıq əldə olunub.
   Görüşdə ötən tədris ilində müəllim mübadilə proqramı ilə “Naxçıvan” Universitetində olan İstanbul Universitetinin müəllimi professor Haluk Tanrıverdi də iştirak edib. Professor “Naxçıvan” Universitetində, eləcə də ümumilikdə Naxçıvan Muxtar Respublikasında təhsilə göstərilən diqqətdən danışıb. Bildirib ki, İstanbul Universiteti ilə tədris üçün bütün müasir şəraitin yaradıldığı “Naxçıvan” Universiteti arasında əməkdaşlıq bundan sonra daha çox inkişaf etdirilməlidir.